Шкетан лӱмеш марий кугыжаныш драме театр эн сай пьесылан конкурсым иктешлен
12:25, 9-12-2021. Разместил: zhannk
Шкетан лӱмеш марий кугыжаныш драме театр эн сай пьесылан конкурсым иктешлен. Конкурсыш чылаже 12 пьесе пурен. Жюрим Марий кугыжаныш университетын туныктышыжо, филологий науко кандидат Галина Бояринова вуйлатен, тыгак тушто шанчызе, йылмызе, сылнымут мастар-влак пашам ыштеныт. Тыге, 5 декабрьыште М.Шкетан лӱмеш Марий драме театрын сценыж гоч сеҥыше да конкурсыш ушнышо-влакын лӱмыштым увертарыме. I степенян диплом дене Анатолий Мокеев палемдалтын. Тудо конкурсышко «Ой, Мичу! Ох, Зина!» драмым колтен, II степенян диплом дене Валерий Григорьев палемдалтын. Тудо «Ӱмбакем ӧпкелен ит ончо» шӱлыкан комедийым аклаш луктын. III степенян дипломын авторжо пале огыл. Тудо «Ик ялыште кум сӱан» музыкальный комедийым возен. Нине кум пашам М.Шкетан лӱмеш да Марий самырык театр-влак сценыш лукташ ямдылаш тӱҥалыт.
Вернуться назад