2022 ийыште Марий Элыште фотовидеофиксацийым ышташ 10 комплексым вераҥдышаш улыт
13:50, 18-01-2022. Разместил: zhannk
2022 ийыште Марий Элыште фотовидеофиксацийым ышташ 10 комплексым вераҥдышаш улыт. Тиде пашам икымше кварталыштак шуктат. Тидын дене пырля федерал погылан шотлалтше 12 камерым Марийскавтодорын погышкыжо кусарат. Тачысе кечын регионысо да федерал кугорнылаште фотовидеофиксацийым ышташ 83 комплекс уло, нунын гыч 9-же вер гыч верышке кусарыме. Кодшо ийын 25 комплексым вераҥденыт. Нуным ГИБДД-н темлымашыже почеш корно туткар шуко лийме верлаште келыштарат.
Вернуться назад