Красногорский поселкышто искусственный шартышан футбол пасу лиеш

Красногорский поселкышто искусственный шартышан футбол пасу лиеш. «Демографий» национальный проектын «Спорт-норма жизни» федерал проект дене субсидийым ойыреныт. Тиде окса дене футбол пасулан искусственный шартышым налаш палемдат. Оборудованийым июль мучаш марте кондышаш улыт. Самырык-влакын политике, спорт да туризм министерстве «Маригражданпроект» акционер ушем дене проект-смете документацийым ямдыла. Экспертизым эртарыме дечын вара, пашам шуктышо организацийым ойырат. Звенигово районысо Красногорский поселкышто «Футбол да регби дене олимпийский резерв спорт школын» пӧлкаже пашам ышта. Садланак искусственный шартыш дене стадион йоча-влаклан шуралташышт лачеш лиеш.