Версия для печати > Ешартыш шинчымашым налаш да келшыше паша верым муаш

Ешартыш шинчымашым налаш да келшыше паша верым муаш. Марий Элыште «Демографий» нацпроектын «Содействие занятости» федерал проектшым илышышке пуртат. Тудын дене келшышын регионышто илыше-влак ешартыш профессионал шинчымашым яра налын кертыт. Тений утларак тӱткыш самырык-влаклан ойыралтеш. А тиде кӧ - ВУЗ але СУЗым тунем пытарымеке, пашам муын огыл але армий радам гыч пӧртылын. Профессионал да кӱшыл образований дечынат самырык-влакым тунемаш налын кертыт. Тений тунемме верым пытарыше студент-влак пытартыш курсышто ешартыш профессийым налын кертыт. «Демографий» нацпроект дене келшышын тунеммашке 50 ий дечын кугырак, тыгак йочам ончышо самырык ава-влак ушнен сеҥат.
Кодшо ийын 460 наре еҥым туныктышаш улыт ыле, но кумылан-влак шукырак лийыныт, чыланыштлан профессий дене ешартыш шинчымашым налаш йӧным пуэныт. Тений план дене 600 еҥ ешартыш шинчымашым налын кертеш. Йодмашым «Работа в России» сайтыште пуаш лие. Але калыклан паша верым ситарыме шотышто рӱдерышке эҥерташ лиеш.