Российысе регион вуйлатыше-влакым чоҥымаш да илымвер-коммунал озанлык министр Ирек Файзуллин черетан видеосовещанийыш чумырен

Российысе регион вуйлатыше-влакым чоҥымаш да илымвер-коммунал озанлык министр Ирек Файзуллин черетан видеосовещанийыш чумырен. Тушко Марий Элым вуйлатыше Александр Евстифеев ушнен. Совещанийыште контракт-влакым пеҥгыдемдыме да инфрастуктурым вияндымашке колтымо бюджет окса йодышым каҥашеныт. Тыгак регион-влакым тӱзатыме мероприятий нерген ойленыт. Ты шотышто тений мемнан республикыштына кок объектын реконструкцийже лийшаш. Тиде Волжск  да Звенигово олалаште. Йошкар-Оласе Ураев бульвар ден Киров урем участкым тӱзаташ палемдыме. Врачебный амбулаторийым чоҥымо паша умбакыже шуйна. Тений Медведево районысо Краснооктябрьский поселкышто ыштен шуктышаш улыт. Мемнан республикыште чонымо да кундемнам тӱзатыме паша кызытеш нимогай чарак деч посна эрта.