Марий Элыште ешым шагал чумыраш тӱҥалыныт
11:36, 13-04-2022. Разместил: zhannk
Марий Элыште ешым шагал чумыраш тӱҥалыныт. Тыгай увер дене Маристат палдара. Шымлымаш почеш, 2022 ийысе тӱҥалтыш кок тылзыште мужыраҥмаш шагалемын. Тыгай иктешлымашым 2021 ийысе данный дене таҥастарен ыштеныт. Кодшо ийын 320 ешлан мужыраҥме нерген свидетельствым кучыктеныт гын, тиде ийын 17 процентлан шагалрак. Тыгак тиде жапыште 963 йоча шочын. Йошкар-Олаште 396 икшыве, Волжскышто – 71 да 22 Козьмодемьянскыште. Районлаште ончалаш гын, эн шуко йоча Медведево районышто – 133, тыгак Звенигово да Морко районным палемдаш лиеш. Тушто 50 наре икшыве ош тӱняш толын.
Вернуться назад