Спорт объект-влак пашам ышташ тӱҥалыт

Кызыт санитар правилым шотышко налын, «Дружба» стадионышто теннис корт пашам ышта, Йошкар-Олаште «Юбилейный» спорткомплекс. Нуно 8 шагат эр гыч 9 шагат кас марте пашам ыштат. Тренировкышко толмо дечын ончыч возалташ кӱлеш. Ушештарена, регионышто коронавирус пандемий жапыште пуртымо чарымашым кораҥдыме кокымшо этап. Йошкар-Ола да районлаште спорт объект-влак ончылгоч возалтше  кумылан-влакым пуртат. Площадкыште 10 еҥ дечын шуко лийшаш огыл, тыгодым нуно социальный дистанцийым эскерышаш улыт. Бассейныште гын, ик толшылан 6 квадрат метр наре лийшаш. Уремыште тренировкым эртарыше-влак 12 еҥ деч шукын погынышаш огытыл.