Шернур районысо яллашке газ толеш
12:57, 16-07-2020. Разместил: zhannk
«Газпром газораспределение Йошкар-Ола» предприятийын специалистше-влак Кукнур ялшотан илемышке «канде тулым» пуртат. Чоҥымо да монтаж пашам тений идалык мучаш марте мучашлышаш улыт. Кукнур, Аптулят, Купсола, Чисола, Ананур, Меке Починга ял марте газ пучым Россий регион-влакын газификаций программышт дене шупшыт. 8 километр наре газ пучым ыштен шуктымеке, Кугу Пӱнчер, Изи Пӱнчер, Куракин, Кускин, Потасола яллаште илыше-влакын пӧртлашкыже газ толеш.
Вернуться назад