Краснооктябрьский поселкышто врачебный амбулаторийым чоҥат
16:19, 16-05-2022. Разместил: zhannk
Краснооктябрьский поселкышто врачебный амбулаторийым чоҥат. У оралтым шыже марте нӧлтен шуктышаш улыт. Амбулаторийым первичный звенон модернизацийже программе дене келшышын ыштат. Тошто зданийым 1959 ийыште чоҥеныт да ты марте капитально ик ганат тӧрлен огытыл. Медпунктышто 4 тӱжемат 500 утла еҥ шотлалтеш, тушто вич врач пашам ышта. Амбулаторийым Киров лӱмеш Санкт-Петербург оласе военно-врачебный академийым тунемын пытарыше Дмитрий Лебедев вуйлата. Тудо Краснооктябрьскийышке «Земский доктор» программе дене толын. Объектым чоҥаш 50 миллион наре теҥге ойыралтеш. Тудын кумдыкшо 500 квадрт метр. Республикыште «Первичный звенон модернизацийже» программе дене чылаже шым объектым ыштышаш улыт.
Вернуться назад