Марий Эл Республикын тӱҥ федерал инспекторжо Павел Волков марий шанче да шымлыше институтыш миен коштын

Марий Эл Республикын тӱҥ федерал инспекторжо Павел Волков марий шанче да шымлыше институтыш миен коштын. Инстиутын вуйлатышыже Евгений Петрович Кузьмин тудым институтын пашаже дене чакрак палыме ыштен да шукташ шонымо паша радам дене палдарен. Поснак Евгений Петрович ты шанче тӧнежын вес моло кугу шанче, тӱвыра да мер тӧнеж-влак дене кылым пенгыдемдаш шонымаш нерген ойлен. Тыгак шанче да шымлыме пашам шуктымаште у йӧн-влакым кычалаш да кызытсе саманлан келыштарен калык деке намиен шукташ кӱлмӧ нерген палемден. Историй шанче кандидат Александр Акилбаев толшо унам институтын ик ончерже дене палымым ыштен, тошто археологий экспонат-влак дене палдарен.