Яльчик ер дек оксам тӱлен пурташ тӱналыныт
16:28, 20-07-2020. Разместил: zhannk
«Марий Чодра» национал парк шке кумдыкышкыжо оксам тӱлен пурташ тӱналын. Тиде вашталтышым ик эн ончыч Яльчик ер дек мийыше-влак шекланеныт. Ер дек кудал пурымо корнышто паркын пашаеҥже-влак кажне толшо еҥ деч 250 теҥге дене погаш тӱналыныт. «Марий Чодра» паркын сайтыштыже палдарат: паркыш пурашлан оксам тыгак марий-чодыра.рф сайт гоч да верысе чодыра озанлык участкылаште тӱлаш лиеш. Паркын пашаеҥже-влак весымат ушештарат: парк кумдыкышто шӱкым кышкаш, палемдыме огыл верыште тулотым ылыжташ, пушеҥгым да вондерлам руаш ок лий. Пӱртӱс аланыште лиймыда годым – шкем арун кучыза, тӱткӧ лийза.
Вернуться назад