Российын Президентше «Курымашлык полкым» кусарыме нерген ойлен
14:37, 21-07-2020. Разместил: zhannk
Российын Президентше «Курымашлык полкым» кусарыме нерген ойлен. Специалист-влак дене каҥашен налме деч вара, Владимир Путин «Курымашлык полкым» 2021 ийыш кусарыме темлымаш дене келшен. Кундемыштына неле эпидемситуаций шарлымылан кӧра, «Курымашлык полк» 2021 ийын 9 май кечыш кусаралтеш. Ондак тудо 26 июльышто эрташ туҥалеш манын, увертарыме ыле, но специалист-влак кызыт шуко еҥым пырля чумырен мероприятийым эртараш тазалыклан эҥгекым конден кертеш манын, палемденыт. Сандене йӱлаш пурышо «Курымашлык полк» тӱшкан вес ийын эртаралтеш.
Вернуться назад