Санкт-Петербургышто тӱнямбал кӱкшытан экономик форум мучашлалтын

Санкт-Петербургышто тӱнямбал кӱкшытан экономик форум мучашлалтын. Паша программе почеш республикым жаплан вуйлатыше Юрий Зайцев Бауман лицейын тунемшыже Маргарита Жирова дене вашлийын. Маргарита - «Большая перемена» конкурсын сеҥышыже. Тиде сеҥымаш самырык  ӱдырлан ты форумыш логалаш йӧным ыштен. Форумышто экологичный мешакым лукшо «Мешоchек» лӱман проектшым ончыктен. Маргарита ончыклык профессийжым эше ойырен налын огыл, но Юрий Зайцев палемден: «Тыгай талантан йоча-влаклан Правительство кертмыж семын полшаш тӱҥалеш».