Юрий Зайцев полупроводниковый прибор-влак заводын кӱкшӧ технологиян производствыжлан сай акым пуэн

Регион вуйлатышын пашажым жаплан шуктышо Юрий Зайцев полупроводниковый прибор-влак заводын кӱкшӧ технологиян производствыжлан сай акым пуэн. Регион вуйлатыше предприятий да тушто тыршыше-влак дене палыме лийын. Заводышто микроэлектроникым ыштат. Юрий Зайцев палемден: пашаче коллективлан республикысе кучем ончыкыжымат полышым ойыраш тӱҥалеш. Полупроводниковый прибор заводышто тыршыше-влак Йошкар-Ола гыч у авиамаршрут-влакым почмо нерген йодыныт. Регион вуйлатыше палдарен: Йошкар-Олаште пассажир терминалым чоҥаш тӱҥалыт, тыгак взлетно-посадочный полосам чоҥымо йодышым рашемдат.