Версия для печати > Республикысе онкодиспансерыште телемедицин стойко-влакым вераҥденыт

Республикысе онкодиспансерыште телемедицин стойко-влакым вераҥденыт. Медучрежденийыште «Тазалыкаралтыш» нацпроект дене келшышын телемедицин консультацийым эртараш тӱҥалыт. Тушко диспансерын да регионысо моло больнице-влакын спенциалистше-влак ушнат. Тачысе кечын кок камере дене стойкым вераҥденыт, иктыже операцийым ончыкташ оборудований дене келыштаралтын. Тазалыкаралтыш министерствын улшо уверже дене, республикыште телемедицин консультацийын сетьшым ыштат. Ончыкыжым ик сервер лиеш, вара мастарлык-класс, онлайн семинар, процедуро-влакын видеофиксацийыштым эртараш йӧн лиеш.