Марий йылме дене йоҥгышо сылнымут произведений-влакым Интернетыште колышташ лиеш

Марий йылме дене йоҥгышо сылнымут произведений-влакым ынде Интернетыште колышташ лиеш. «Марий йогын» лӱман подкаст-влакым «Яндекс. Музыка», КАстБокс да Эпл Подкастс сервислаште вераҥденыт. Тушто эн ондак Майоров-Шкетанын произведенийже-влакым вераҥденыт. Кызыт тыглай книгам шагал еҥ кидыш кучен лудеш. Ынде жапым аклен, сылнымутым Интернет йӧн денат аудиокнига семын колышташ лиеш. Тиде проектлан негызым пыштыше-влак ты сервисыш легендым, преданийым, калык йомакым да марий писатель-классик-влакын возымо проиведенийыштымат ешараш кӱлмо нерген увертареныт.