У Торъял районысо Чӱксола тӱвыра пӧрт уэмеш
11:48, 3-08-2022. Разместил: zhannk
У Торъял районысо Чӱксола тӱвыра пӧрт еҥ-влакым уэмын вашлиеш. Тудым капитально олмыктат, пашам 31 август марте мучашлышаш улыт. Пашам «Культура» нацпроект дене келшышын шуктат, тидлан 21 миллион теҥге ойыралтын. Кызыт фасадым шокшемдат. Проект дене пашаеҥ-влак тӱвыра пӧртышкӧ пурымо омсам, тыгак эвакуаций верым тӧрленыт, тошто окнам у пластик окна дене вашталтат. Регионысо тӱвыра министерстве палдара, пашам мучашлыме дечын вара тушто Чӱксола ялшотан илемын тӱвыра вияҥмаш рӱдерже лиеш.Вернуться назад