Юрий Зайцев Йошкар-Оласе ракет дивизийыште лийын

Юрий Зайцев Йошкар-Оласе ракет дивизийыште лийын. Тиде дивизий элнан тыныслыкшым аралымаште ятыр ий шога. Тудо шке историйжым 1960 ий гыч налеш. Тиде жапыште сарзыеҥ-влак 60 утла гана тунемме-сарзе ракетым колтеныт, шукыжым «отлично» колтымо семын аклыме. Дивизийым тачысе кечын полковник Олег Тетеркин вуйлата. Юрий Зайцев дивизийын личный составше дене палыме лийын. Салтак да сарзыеҥ-влакын службым эртыме йӧныштым ончен, кочмыверым аклен.