Ава капиталым кучылтмашке у вашталтыш пурен
13:52, 8-08-2022. Разместил: zhannk
Ава капиталым кучылтмашке у вашталтыш пурен. Тушко шке кидпалыжым элнан Президентше Владимир Путин пыштен. Тудлан келшышын, ынде ава капиталым частный йочасадлан тӱлымылан кучылташ лиеш, но тыгодым йочасадын лицензийжым ончат. Тиде ийын икымше йочалан – 500 тӱжем утла пуалтеш, кокымшылан – 700 тӱжем наре. Ава капиталым илымверым налаш, тунеммылан да инвалид йочалан реабилитацийым эрташ тӱлаш лиеш. Тыгак ава пенсийын накопительный ужашышкыже колтен але кокымшо йочалан кум ий марте тылзе еда тӱлымӧ выплатым ыштен кертеш.
Вернуться назад