Версия для печати > Оласе кудывече-влакым шотыш кондымо проект шке тӱҥалтышыжым налын

Оласе кудывече-влакым шотыш кондымо проект шке тӱҥалтышыжым налын. Йошкар-Олаштына чылаже 1050 кудывече шотлалтеш. Нунын кокла гыч 70 процентшылан ремонт кӱлеш. Кудывече-влакым олмыктымо пашашке 75 миллион оксам виктарыме. Кызыт пашазе-влак Свердлов, Чавайн да Лебедев изуремлам олмыктат: тротуарым вашталтат, площадке-влакым тӧрлат, корно тӱрысӧ кӱым алмаштат. Сентябрь мучаш марте Йошкар-Ола мучко 23 кудывечым ыштен шуктышаш улыт.