«Сай да лӱдыкшыдымӧ корно» национал проект кышкар дене корно ачалымаш пашам палемдыме деч ончычрак мучашлынешт

«Сай да лӱдыкшыдымӧ корно» национал проект кышкар дене корно ачалымаш пашам палемдыме деч ончычрак мучашлынешт. Тидын нерген Республикысе транспорт да корно озанлык министр Александр Герасименко Марий Эл вуйлатыше Александр Евстифеев дене вашлиймыж годым палдарен. Александр Герасименкон мутшо почеш тиде национал проектым 2023-шо ий марте илышыш шыҥдарен шуктыман. Паша кышкар почеш кызыт Эшпай да Машинастроитель-влак уремыште корным ачалыме шотышто контракт-влакым пеҥгыдемдыме. Александр Евстифеев палемден: корно-влакым палемдыме деч ончычрак ачалаш  да шотыш кондаш йӧн уло гын – тудын дене пайдаланаш кулеш.