Тений Марий кугыжаныш университет пеленсе Медицине институтым икымше выпускник-влак тунем лектыныт
14:44, 24-07-2020. Разместил: zhannk
Тений Марий кугыжаныш университет пеленсе Медицине институтым икымше выпускник-влак тунем лектыныт. «Педиатрий» да «Лечебное дело» специальность дене дипломым чылажге 50 ӱдыр-рвезе налын. Ушештарена, тиде институтым университет пелен 2014-ше ийыште почыныт. Тыге медицине специальность-влаклан мӱндыр кундемлаш кайыде тунем лекташ йӧным ыштыме. Моло специальность дене шинчымашым кызытат пошкудо Озаҥ, Киров, Ижевск олаласе институтлаште пуат. А теве медицинын кок виктышыж дене кӱшыл шинчымашым ынде Марий Элыштак налаш лиеш.
Вернуться назад