Эртыше кечылаште виктер пӧртышто ондалалтше дольщик-влакын праваштым аралыме шотышто погынымаш эртен

Эртыше кечылаште виктер пӧртышто ондалалтше дольщик-влакын праваштым аралыме шотышто погынымаш эртен. Тудым Марий Эл республик вуйлатыше Александр Евстифеев вӱден. Чоҥымаш министр Михаил Степановын палемдымыже почеш, Йошкар-Оласе «Гомзово» микрорайонышто улшо ик пӧртым мучаш марте чоҥен шуктымаште икмыняр чарак лектын. У застройщиклан пашам мучаш марте шукташлан, пӧртын икымше черет почеш пачерым налше оза-влаклан разрешенийым пуыман. Но «Гомзово» ТСЖ-ын вуйлатышыже тидын шотышто вашкелшыкым пеҥгыдемдаш ок вашке. Жапым шуйымо амаллан кӧра чоҥышаш пӧрт кумдыкын акше кӱзен кертеш. Александр Евстифеев тиде йодышым посна тӱткышыштӧ кучаш кӱштен.