«Кече-Солнышко» журналлан 90 ий!

Йочам изи пагыт гычак сылнымутлан шӱмаҥден, кажне мутпогым аклаш туныктыман. Лачак тыгай шонымаш дене «Кече-Солнышко» журнал ынде 90 ий ила. Тудын икымше номерже 1930 ий июнь тылзыште лектын. Тунам журнал «Пионер йӱк» маналтын. Ойлымашым, тӱҥ шотышто, сылнымутчо-влак возеныт. Но неле ситуацийлан кӧра, 1936 гыч 1986 ий марте журнал йӧршын савыкталтын огыл. Йоча журналлан у шӱлышым кумдан чапланыше литератор да журналист Алексей Юзыкайн пурташ полшен. Тудо ятыр ий ты журналым савыктымаште тыршен. А 1998-ше ий гыч  «Кече-Солнышко» журналын тӱҥ редакторжылан Антонина Николаевна Шакирова тыршен. Редакцийыште тудо 25 ий пашам ыштен, тышечын 13-шо – тӱҥ редакторын сомылжым шуктен. Йоча-влак дене вашлиймаш, тӱрлӧ проект да мероприятий илышыш шыҥдаралтын. Журнал 1000 экземляр дене лектын. Таче журнал уэш йоча да туныктышо-влак коклаште моткоч йодмашан. Кок йылме дене савыкталтше журнал таче 1100 экземпляр дене тылзылан ик гана лектеш.