Версия для печати > «Канде тул» республикысе шуко ялышке толеш

«Канде тул» республикысе шуко ялышке толеш. Юрий Зайцев Россий Правительстве Председательын алмаштышыжын эртарыме совещанийышкыже ушнен. Александр Новак вашлиймашым видеоселектор йӧн дене эртарен. Марий Элыште тений 1 январььлан газификаций 84 процентышке шуэш. 19 сентябрьлан догазификаций программышке 6 тӱжем наре йодмаш пурен, 1200 утла пӧртыш канде тулым пуртымо. Мероприятий-влакым график дечын ончыч шуктат. Ушештарена, Петербургысо тӱнямбал газовый форумышто Юрий Зайцев Газпромын вуйлатышыт дене нине йодыш-влакым каҥашен. 2025 ий марте республикыште 17 кугу объектым чоҥат, 260 километр газ пучым шупшыт, тиде 58 ялышке газым пурташ полша, 14 котельныйым пӱртӱс газышке кусарат.