Россий Президент Владимир Путин сайлыме регион вуйлатыше-влак дене онлайн йӧн дене вашлийын

Россий Президент Владимир Путин сайлыме регион вуйлатыше-влак дене онлайн йӧн дене вашлийын. Сентябрь тылзыште кундем-влакын ончылъеҥыштым 15 регионышто ойыреныт. Тидын радамыште – Марий Эл. Владимир Путин субъект-влакын вуйлатышыштым саламлен, да нунын ончылно шогышо задаче-влакым ушештарен. Санкций жапыште регионысо экономике-влакым вияҥдыме нерген ойленыт.  Кызыт тиде паша регионлаште сайын шукталтеш. Социал полышым шуктен толмашат регион вуйлатыше-влакын ик эн тӱҥ задачышт.  Владимир Путин   вуйлатыше-влаклан частичный мобилизаций дене йодышым тӱткышыштӧ кучаш кӱштен. Чыла социал гарантий-влак шукталтшаш улыт. Тыгак Президент регион вуйлатыше-влаклан у субъект-влаклан полышым ойырымо шотыштат ойлен.