Версия для печати > «Шонымашым шуктышо кож» акций йоча-влакынат, кугыеҥ-влакынат шонымашыштлан шукталташ полша

«Шонымашым шуктышо кож» акций йоча-влакынат, кугыеҥ-влакынат шонымашыштлан шукталташ полша. Тудо йӱлашке пурен: федерал кӱкшытыштат, регионлаштат, районлаштат эртаралтеш. Акцийын сайтыштыже Марий Эл гыч 68 участник шке шонымашыжым коден. Тиде кечылаште республик вуйлатыше Юрий Зайцев кож гыч шонымаш дене 4 шарым налын, тыгак Москвасе Кремльыште тудо мемнан республике гыч ака-шӱжарын шонымашыштым шукташ сӧрен. Йошкар-Олаште илыше 8 ияш Диана да тудын 13 ияш акаже Ксения Маловамыт У Ийлан коньки ден ноутбукым пӧлек шотеш налыныт. Медведево район Люльпан ял гыч Вероника У Ийлан планшетлан куана. Эше ик пиалан ӱдыр Советский поселко гыч 11 ияш Анна Конюкова. Тудлан ушан шагатым пӧлекленыт. «Шонымашым шуктышо кож» акцийышке кугыеҥ-влакат ушнат. Тиде гана регион вуйлатыше Юрий Трубицынын шонымашыжлан шукталташ полшен. Тудлан гармоньым пӧлекленыт.