Озанлыклаште уржа-сорла

Озанлыклаште уржа-сорла. Тидын нерген республикын вуйлатышыже А.Евстифеев ялозанлык да продовольствий министр Александр Гречихо дене вашлийын. Республикыште озанлык-влак 135 тӱжем гектарыште пырчан да отызан культурым поген налшаш улыт. Кызыт мланде пашаеҥ-влак кургым ямдылен пытарат, 66 тӱжем гектар кумдыкышто шудым соленыт, чылаже 46 тӱжем тонным шапашленыт. Тиде план дечын 104 процент, силосым план дечын 54 процентым оптеныт, сенажым 101 процентым. Тидын дене пырля пырчым погат, уржа-сорла тӱҥалтышлан пырче лекташ ик гектар гыч 30 центнерышке шуын, кодшо ийын 18 центнер лийын. Пареҥгым 3 гектарыште кӱнченыт, ик гектар гыч 133 центнерым налыныт, кодшо ийын 100 центнерым.