У тунемме ий вашеш тӱшка верлаште да транспортышто маскым чийымым чот тергат

У тунемме ий вашеш тӱшка верлаште да транспортышто маскым чийымым посна чот тергат, тыгак тӱшка верлаште дезинфекцийым эртарат. Регион вуйлатыше А.Евстифеев коронавирус инфекцийым шижтарыме шотышто оперативный штабын черетан заседанийыштыже тидым шукташ темлен. Республикын транспорт министр ешарен, пытартыш жапыште еҥ-влак транспортышто аралтыш маске-влакым шагалрак чият. Тидын шотышто Светлана Булатова-Роспотребнадзорын вуйлатышыже рейд-влакым шукемдаш да правилым пудыртышо-влакым муткучаш шогалташ темлен. Тиде арняште икмыняр рейд эртен, санитар правилым пудыртышо-влакым муткучаш шогалтеныт. Республике коронавирус дене чарымашым кораҥдыме кумшо этапышке куснен. Тиде арняште ужалыше рӱдер, кинотеатр да монча-влак пашам ышташ тӱҥалыныт. Кажне кечын 14-15 наре еҥын коронавирус пеҥгыдемдалтеш, инфекционный стационарлаште  300 утла еҥ эмлалтеш.