Регион вуйлатыше Юрий Зайцев Российысе чонымаш, илымвер да коммунал озанлык министр Ирек Файзуллин дене вашлийын
14:45, 23-01-2023. Разместил: zhannk
Регион вуйлатыше Юрий Зайцев Российысе чонымаш, илымвер да коммунал озанлык министр Ирек Файзуллин дене вашлийын. Нуно тӱҥ шотышто «Регионлаште илыме вер да оласе кумдык» проектым каҥашеныт. Республикына чоҥымо паша дене ончыл верыште. Кодшо ийын илыме верым 13 процентлан шукырак ыштыме. Чылаже 400 тӱжем утла квадрат метр. Тыгак у пӧрт-влакым чоҥаш мланде ятыр ойыралтеш. Ирек Файзуллин ты пашам кӱкшын аклен. Регионысо моло проект-влакат сай лектышым ончыктат. Поснак вӱд объект-влаклан кугу тӱткыш ойыралтеш. Очистной сооружений-шамычым пужен ыштат, Юл эҥерым шотыш кондат. Илыме кумдыкым тӱзатыме пашат ӧрдыжеш ок код. Тенийлан 45 кумдыкым сылнештараш палемдыме. Социал объект-влакым чоҥымо нерген ойлен кодыман: 2022 ийыште Волжск олаште азам ыштыме отделенийым чоҥеныт.
Вернуться назад