Патриот пашалан тӱткыш
15:42, 24-01-2023. Разместил: zhannk
Кажне ийын элым аралыше-влакын кечышт лӱмеш республикыште сарзе-патриот тылзе эрта. Тудын жапыште ятыр школ, тунемме верлаште тӱрлӧ вашлиймаш, слет-влак эртаралтыт. Тачысе кечын кажне тунемме верыште патриотзм шӱлышым шуараш паша ышталтеш, шуко школлаште юнармий толкын, кадет класс-влак улыт. Районысо школлаште ӱдыр-рвезе-влак тиде вийым шижын, шинчымашым налыт. Марий Элыште сарзе-патриот тылзым Йошкар-Олаште самырык-влакын полатыштышт почыныт. Тушко регион вуйлатыше Юрий Зайцев ушнен. Школлаште идалык жапыште, а поснак тиде тылзын патырлык урок, усталык конкурс-влак эртаралтыт. Тушко 60 тӱжем утла самырык еҥ ушна. Специальный военный операций кайыме жапыште патриотизм, шочмо элым аклыме, пагалыме нерген утларак ойлат. Тачысе кечын Марий Эл гыч 2000 наре еҥ СВО-то патырлыкшым ончыкта. Оборонно-массовый да сарзе-патриот тылзе самырык-влакын кундемым пагалыме, шочмо элым йӧратыме шижмашыштым утыр вияҥдышаш. Вернуться назад