Йошкар-Олаште 275 тӱжем квадрат метр илымверым чоҥышаш улыт

Йошкар-Олаште 275 тӱжем квадрат метр илымверым чоҥышаш улыт. Тидын нерген Александр Евстифеевлан рӱдолан мэрже Евгений Маслов увертарен. Йошкар-Олаште у микрорайон-влакымат ыштат, тыгак улшышто у пӧртым чоҥат. Ойпидыш дене аварийный пӧрт олмышто шуко пачеран пӧртым чоҥышо, тоштыжым шкежак пужышаш. Таче кечын кок тыгай ойпидыш уло. Иктыже Тыныслык, Сталинград кредалмаш герой-влакын да Данилов бульвар коклаште квартал, тыгак Чехов, Первомайский, Красноармейский да Я.Эшпай лӱмеш урем кокласе кумдык. Тиде верлаште пӧртым ышташ проектым ыштат. «Чоҥымо паша план дечын писынрак кая», - палемден олан мэрже.