Версия для печати > Ковид-пациент-влак дене пашам ыштыше медик-влаклан пашам ыштыме ик кечым кок кече семын шотлат

Ковид-пациент-влак дене пашам ыштыше медик-влаклан пашам ыштыме ик кечым кок кече семын шотлат. Тидын нерген Российын премьер-министрже Михаил Мишустин увертарен. Тиде Россий Президент Владимир Путинын кӱштымашыже дене шукталтыт. Паша стажым у семын тений 1 январь гыч сентябрь мучаш марте шотлат. Премьерын мутшо дене, тиде вашталтышым пуртымеке, 4 тӱжем утла врач да медицин пашаеҥ кажне ийын ончылгоч пенсийышке лектын кертеш. Мишустин палемден, коронавирус дене ситуаций элыште саемеш, тыгодым кучем эреак терга, еҥ-влаклан тестым ыштат. Коронавирус дечын вакцине элыште лишыл жапыште регистрацийым эртышаш. Тидын нерген Правительстве вуйлатыше ешарен.