Республикыш 22 ИВЛ аппарат толын
16:55, 12-08-2020. Разместил: zhannk
Кодшо кечылаште республикыште 22 ИВЛ аппарат толын. Тудым централизованный поставке дене келшышын федерал рӱдер колтен. Август мучаш марте улшо контракт дене республике эше 43 аппаратым налеш. Оперативный штабын заседанийштыже тазалык аралымаш министрын алмаштышыже Татьяна Королева ешарен, Россий минздрав республикылан китайыште ыштыме эше 10 аппаратым безвозмездно пуа. Пандемий тӱҥалме дечын вара шодын искусственный вентиляцийлан аппарат регионышто 89 шукемын. Весмат палемдыман, 17 август гыч республикыште коронавирус пациент-влак дене пашам ыштыше медспециалист-влакын кокымышо тӱшка санаторийышке кая.
Вернуться назад