Эртыше идалыкыште самырык-влакын политикыштым вияҥдымаш дене Марий Эл кокымшо верыште
17:48, 31-03-2023. Разместил: zhannk
2022 ийыште самырык-влакын политикыштым вияҥдымаш дене Марий Эл кокымшо верыште. Тыгай уверым мониторингым ыштыше агентстве пуа. Кодшо ийын мемнан республикына ты виктышыште кугу пашам наҥгаен. Вуйлатыше Юрий Зайцевын кӱштымашыже почеш самырык шанчызе, шымлызе, инноватор-влаклан грант пуалтын, самырык-влаклан кугыжаныш премийын окса кугытшо ешаралтын. Тыгак Россий кӱкшытан грант конкурслаште, фестиваль ден форумлаште рвезе тукым ятыр гана ончылно лийын. Тылеч посна республикылан самырык-влакын политикыштым виктараш 124 миллион утла теҥге субсидийым пуэныт. Поро кумылым ончыктышо да патриотизм шӱлышан толкыныштат ӱдыр-рвезе-влакым сай могырым веле палемдаш лиеш.
Вернуться назад