Мобильный медицинский комплекс шке пашажым тӱҥалын
19:02, 18-08-2020. Разместил: zhannk
Волжскышто илыше-влаклан у йӧн. Мобильный медицинский комплекс шке пашажым тӱҥалын. Тыге консультацийым налаш эшеат йӧнанрак. Специализированный автобус-влак вӱргечын да шуматкечын Волжск олан тӱрлӧ районыштыжо лийыт. Врач да медицин пашаеҥ-влак еҥ-влакын улшо йодышыштлан вашештат. Кодшо кечылаште «Тазалык поезд» акций жапыште оласе «Горгаз» микрорайоныш кусныл коштшо медицина комплекс-влак толыныт да Шестаков ден Прохоров урем ушнымаште кум шагат пашам ыштеныт. Икымше автобусышто флюорограф ден маммограф верланен, кокымшо транспортышто тӱрлӧ медицина процедуро-влакым эртареныт, терапевт-врач умылтарымаш-влакым пуэн. Тиде гана тудо 19-ше августышто «Лето» ужалкалыме рӱдер воктене 16 гыч 19 шагат марте калыкым вуча
Вернуться назад