Регионлаште корным ыштыме нерген видеоконференций йӧн дене эртарыме совещанийыште каҥашеныт

Россий Правительстве Председательын алмаштышыже Марат Хаснуллин селекторный совещанийым эртарен. Марий Элыште «Развитие дорожного хозяйства на период до 2025 года» кугыжаныш программе дене «Одобеляк-Куженер-Параньга» корным ыштат, Йошкар-Ола-Уржум кугорнышто Немда эҥер гоч кӱварым, Звенигово-Шелангер-Морко корно дене Кожвожка эҥер гоч кӱварым тӧрлат. Республикыште Киров гыч Строителей урем марте магистральный корным ыштат. Тудым «Лӱдыкшыдымӧ да сай качестван автомашина корно» проект дене ыштат. Ялыште корным чоҥымо шотышто кугыжаныш программе дене Марий Элыште 7 корно объектым ышыашаш улыт. Тиде Марий Турек, Куженер, Советский, Курыкмарий, Шернур, Волжский да Морко районлаште. Тений тидлан 408 млн теҥгем палемдат.