Кугыжаныш автоинспекцийын пашаеҥышт рӱдоласе школлашке лектыныт

У тунемме ий вашеш Кугыжаныш автоинспекцийын пашаеҥышт рӱдоласе школлашке лектыныт. Тушто корно лӱдыкышыдымылыклан пӧлеклалтше стенд, кабинетым ончалыныт. Технический надзор могырым гын, школ автобус-влакын улшо йодмашлан келшен толмыштым акленыт. Школ воктене гын, автоинспектор-влак корно пале уло але уке, йолешке-влаклан вончаш верын келшен толмыжым онченыт.