Главная > Марий Эл Радио > Пандемий жапыште пашам йомдарыше-влаклан жаплан ешартыш паша верым ыштат

Пандемий жапыште пашам йомдарыше-влаклан жаплан ешартыш паша верым ыштат


13:40, 24-08-2020. Разместил: zhannk

Пандемий жапыште пашам йомдарыше-влаклан жаплан ешартыш паша верым ыштат. Мутлан, организаций тичмаш огыл паша кечыш куснен, але пашаеҥым тӱлалтдыме отпускыш колтен, тыгай годым пашаеҥ-влаклан жаплан паша верым темлен кертыт. Тидын нерген Республикыште паша да калыклан паша верым ситарыме шотышто департамент вуйлатышын алмаштышыже Александр Лазарев увертарен. Жаплан паша верым икмыняр вере ыштат: тиде кундемым тӱзаташ, пӧлемым эрыкташ, ачалымаште полышкалаш, пакчасаскам погышо, документым ышташ полшышо да молат. Таче кечын тиде йӧн дене 4 ойпидышым пеҥгыдемденыт: тиде портной, кевытче, упаковщик, подсобный пашаеҥ да моло профессий денат пашам ыштат. Ешартыш паша верым ыштыше-влаклан субсидий федерал да республикысе бюджет гыч ойыралтеш. Жаплан пашам эн шагалже кум тылзе ыштыман. Пашам темлыше-влак ойпидышым пашам темлыше рӱдерлаште ыштышаш улыт. План дене, программышке тений 300 утла еҥ ушна.   


Вернуться назад