Оршанка районышто очистной сооруженийым чоҥат
13:50, 24-08-2020. Разместил: zhannk
Оршанка районышто очистной сооруженийым чоҥат. Тиде пашам республикысе адресный инвестиционный программе дене шуктат. Кок объектым ыштат. Оршанка район Изи Каракша ялыште очистной канализационный сооруженийым ыштеныт. Тудо шукертак кӱлеш. Ик суткаште 20 кубометр вӱдым эрыкта. У объектым тений кеҥежым ыштен шуктеныт. Тидын нерген Оршанка районын администрацийын социал воткылысе тӱшкаже палдара. Кокымшо объект-Табашино селаште. Тудын пашам ыштыме артамже кок пачаш кугырак. Тудым у стандарт дене келшышын чоҥат, ончыкыжым очистной сооруженийыште энергийым аныклен кертыт. Табашино селаште объектым ноябрьыште ыштен шуктышаш улыт.
Вернуться назад