Марий Элыште медицин класс-влакым почыт

Марий Элыште медицин класс-влакым почыт. Нуно республикыште 6 школышто лийыт. Туныктыш да шанче министр Лариса Ревуцкая да тазалыкаралтыш министр Марина Панькова келшымашыш кидпалыштым пыштеныт. 2023-2024 тунемме идалык жапыште Йошкар-Оласе 1-ше да 30 номеран школлаште, Медведево 3-шо школышто, Шернур поселкысо икымше да кокымшо школлаште, Марий Турек поселкышто тыгай класс-влакым ыштат. Медицин класс-влакым тазалыкаралтыш системыште кадр-влакым ситараш шонымаш дене почыт.