Юрий Зайцев Марий Элыште корным ыштыме системе дене палыме лийын
18:02, 22-06-2023. Разместил: zhannk
Юрий Зайцев Марий Элыште корным ыштыме системе дене палыме лийын. Марий Эл «Лӱдыкшыдымӧ сай качестван корно» нацпроект дене пашам сайын шуктышо Российысе 5 регион коклаште. Тений республикыште улшо корно гыч 40 процентше нормативлан келшен толаш тӱҥалеш. Юрий Зайцев «Марийскавтодорын» куснылшо лабораторийыштыже лийын. Тушто материал да асфальтобетон смесьым тергат.
Дорожный поселкышто регион вуйлатыше «ДробТехМаш» предприяйым аклен. Тушто импорт олмеш мемнан элысе техникым кучылтыт.
Тыгак «Марий Эл Дорстрой» акционер ушемын производство куатшым аклен. Тачысе кечын тиде предприятийын 10 асфальт-бетон заводшо уло. Нуно тӱрлӧ районышто верланеныт.
Регион вуйлатыше тыгак «Мостремстрой» предприятийыште лийын. Кодшо ийын тушто 720 миллионлан кӱвар-влакым тӧрленыт, тений 1 миллиард теҥге нарылан пашам шуктышаш улыт. Республикын Правительствыже корно отрасльлан кугу тӱткышым ойыра.
Вернуться назад