Параньгаште корно озанлык пашаеҥ-влак асфальтым шареныт

Параньгаште корно озанлык пашаеҥ-влак 11 тӱжем квадрат метр кумдыкышто асфальтым шареныт. Новый, Тукаевский, Колхозый, Чапаев, Советский, Механизатор-влак, Хасанов   уремлаште корным ыштеныт. Тиде пашалан 10 млн наре ойыралтын. Кок корнывожышто вӱд погынен, тиде нелылыкмат кораҥденыт. Параньга администраций дене ойырымо ешартыш шийвундо дене эше 445 квадрт метр кумдыкышто у асфальтым шареныт.