Йоча-влакын ешартыш шинчымашышт

Йоча-влакын ешартыш шинчымашышт. Тений «Образований» национальный проектын «Кажне йочан сеҥымашыже» федерал проект дене утларак верым ыштат. Шернур районышто 2-шо номеран школышто самырык корно инспектор-влакын кружокышт лиеш, Шернур поселкысо 1-ше номеран школышто илышын лӱдыкшыдымылыкшӧ да шахмат дене кружок лиеш, йоча усталык пӧртыштӧ турист да шахматист-влак школ дечын вара шуаралтын кертыт. Кодшо кечылаште тунемме оборудованийым конденыт. Тыге, мутлан, йоча усталык пӧртыштӧ кум кабинетым ямдыленыт, иктыже «Туризм» направлений дене, тыгак школ лесничествын пашажым вияҥдаш, ик кабинет шахмат виктышлан. Тидын нерген район администрацийын официал сайтше палдара.