Уста кӱслезым шарныктыше мемориал оҥа
18:34, 25-08-2020. Разместил: zhannk
Таче Йошкар-Олаште Анна Сидушкиналан шарнымаш оҥам почыныт. Анна Романовна кӱшыл шинчымашым налше-влак марий ӱдырамаш-влак кокла гыч икымше. Тудо 1946 ийыште Москвасе консерваторийым пытарен. Марий кӱсле дене шокташ туныктышо школым чумырышо лийын. 1957 ийыште музыкальный училищыште кӱсле классым почын, тудын ямдылыме кӱслезе-влак ансамбль Москваште Кугыжаныш Кремль Полатыште усталыкым ончыктен. Ӱдырамаш-влак кокла гыч Анна Сидушкина Марий Эл сымыктшын сулло деятельже чап лӱмым сулен. Шарнымаш оҥам кӱслезын илыме пӧрт Советский урем 151 адрес дене почыныт, тушко кӱслезым шарныше-влак чумыргеныт. Шарнымаш оҥам gочмо пашам марий калык конгресс виктарен шоген. Тиде мер ушем, кажне ийын республикыште палыме еҥ-влаклан мемориал оҥа-влакым вераҥда.
Вернуться назад