Тӱвыра да сымыктыш школ-влакын у тунемме ийлан ямде улмышт нерген республикысе конферецийыште ойленыт

Тӱвыра да сымыктыш школ-влакын у тунемме ийлан ямде улмышт нерген республикысе конферецийыште ойленыт. И.С.Палантай лӱмеш тӱвыра да сымыктыш колледжыште туныктышо-влак эртыше ийым иктешленыт. Конференцийыште В.Куприянов лӱмеш Микряк йоча сымыктыш школлан пайремлын 10 у кӱслем кучыктеныт. «Культура» национальный проект республикысе йоча сымыктыш школ-влакым пойдараш полша. Тӱвыра, печать да калык-влакын пашашт шотышто министр К.Иванов «Сымыктыш школын эн сай туныктышыжо» конкурсышто сеҥыше-влакым саламлен. Тидын дене пырля Анатолий Лупповын фортепианолан пьесе-влак сборникын презентацийже лийын.