Еш ешлан полша: школлан ямдылалтына
11:51, 27-08-2020. Разместил: zhannk
Республикыште «Еш ешлан полша: школлан ямдылалтына» поро кумыл акций умбакыжат шуйна. Таче кечын 220 еҥ полыш кидым шуялтен. Еҥ-влак кок тӱжем утла тӱрлӧ сатум, а тиде канцеляр сату, вургем да йолчиемым, тыгак 168 тӱжем теҥгем окса дене колтеныт. Шернур, Звенигово район да Волжскыште илыше-влак полыш акцийышке эн чолган ушнат. Акций 31 август марте шуйна. Погымо окса да сату шагал парышан еш-влаклан полыш семын кая. Поро кумыл акций дене сатум погымо вер-влакым да счетым социал вияҥмаш министерствын сайтыштыже муын кертыда.
Вернуться назад