31 август - Российысе ветеринарий пашаеҥын профессионал пайремже палемдалтеш
18:10, 31-08-2020. Разместил: zhannk
Таче кеҥежын пытартыш кечыже. 31 август - Российысе ветеринарий пашаеҥын профессионал пайремже палемдалтеш. Тиде кечым 2011 ий гыч руш православный черкын темлымашыже почеш палемдат. Ончыч тиде кече православный ветеринарын кечыже маналтын. Ветеринарий- тиде шанчын ужашыже, тудо вольыкын черын профилактике да диагностикым ышта, эмла. Ветеринарын профессийже моткоч чот ожнысо. Еҥ-влак шукертак мӧҥгыштыт вольыкым ончат, садланак нуным эмлашат кӱлеш. Таче кечын ветеринар врач-влак клинике, ветстанцийылаште, зоопаркыште, ялозанлык предприятийлаште пашам ыштат. Марий кундемыште ветеринар-влак кажне районышто улыт. Тиде кече дене нуным уло кумылын саламлена.
Вернуться назад