Марий Элыште корно ятырлан саемын
16:08, 30-10-2023. Разместил: zhannk
Марий Элыште корно ятырлан саемын. Корным ачалыме пашан кугытшо, качествыже шотышто мемнан регион ‒ Юл кундемысе федерал округышто 1-ше верыште, Россий мучко – 2-шо верыште. Тений кундемыштына 400 километр наре корным шотыш кондымо. Тышеч 24 километр утларак ‒ «Йошкар-Ола» оласе агломерацийыш пурышо корно. Тылеч посна корно туткар-влак шагалеммым палемдат. Тидыже корнылаште фото-видеофиксаций системын пашаж дене кылдалтын. Адакшым кугорно-влакат волгыдырак лийыныт. Кундемыштына илыше-влак корно саештмым вигак шекланеныт. Тидым эртарыме йодыштмаш пеҥгыдемден ‒ Марий Эл шке вашмутшо дене 10 сай регион коклашке логалын.
Вернуться назад