Школлаште ешартыш шинчымашлан вер-влакым ыштат

Школлаште ешартыш шинчымашлан вер-влакым ыштат.  «Кажне йочан сеҥымашыже» федерал проект дене тений туныктымо 45 учрежденийыште 3072 верым ышталтын. Йоча-влак физкультур-спорт, естественно-научный, турист да краеведений, технике, художественный, социал-педагогике могырым ешартыш шинчымашым налаш тӱҥалыт. Таче кечын районлашке у оборудованийым конденыт. Тиде «Робототехнике», «Лӱдыкшыдымылык школ», «Киностудий», «Школ лесничестве» программе дене. Школлашке компьютер техникым, фрезирований, графировкым, лазер пашам шукташ станок-влак, турист сомыллан, самырык корно инспектор-влаклан ямдылалташ оборудований. Кружок-влакын педагог да ешартыш шинчымашым пуышо секций-влакын педагогышт лумын тунемыныт. Просвещений министерствыште палемдат: 2024 ий  марте 5 гыч 18 ий марте йоча-влак гыч 80% кружоклашке яра кошташ тӱҥалыт.